Psa 65 | NdeIBE | STEP | Kumqondisi wokuhlabela. Ihubo likaDavida. Ingoma. Udumo lukulindele, O Nkulunkulu, eZiyoni; kuwe izifungo zethu zizagcwaliseka.

Psalms 65

Kumqondisi wokuhlabela. Ihubo likaDavida. Ingoma.

1 Udumo lukulindele, O Nkulunkulu, eZiyoni; kuwe izifungo zethu zizagcwaliseka.

2 Yebo, wena owuzwayo umthandazo, bonke abantu bazakuza kuwe.

3 Kwathi lapho sisacindezelwa yizono, wazithethelela iziphambeko zethu.

4 Babusisiwe labo obakhethayo ubasondeze bazohlala emagumeni akho! Sigcwalisiwe ngezinto ezinhle zendlu yakho, ezethempeli lakho elingcwele.

5 Uyasiphendula ngezenzo ezesabekayo ezokulunga, O Nkulunkulu Msindisi wethu, themba lemikhawulo yonke yomhlaba lelezilwandle ezikude,

6 owabumba izintaba ngamandla akho, lapho wena usuziqinisile ngamandla,

7 owathulisa ukuduma kwezilwandle, ukuduma kwamagagasi azo, lokuhlokoma kwezizwe.

8 Labo abahlala khatshana bayazesaba izimangaliso zakho; lapho okudabuka khona ukusa lokuhlwa okufiphala khona, uqamba izingoma zentokozo.

9 Uyawunakekela umhlaba uwuthelezele ngamanzi; uyawunothisa kakhulu. Imifula kaNkulunkulu igcwalisiwe ngamanzi ukuze abantu bazuze amabele, ngokuba ukumisile wena lokho.

10 Uyayigcwalisa imisele yawo ngamanzi uyendlale kahle imibundu yawo; uyawuthambisa ngemikhizo ubusise amabele awo.

11 Uyawuphelelisa umnyaka ngenala, izinqola zakho ziphuphume ngokugcwala.

12 Amadlelo asenkangala ayachitheka; izintaba zigqokiswe ngenjabulo.

13 Amadlelo agcwele imihlambi yezimvu lezigodi zisibekelwe ngamabele; ziyamemeza ngentokozo zihlabelela.